သင့်ကို သူမတိတ်တခိုးချစ်နေကြောင်း သိရှိနိုင်မည့် လက္ခဏာများ

သင်တို့နှစ်ဦးက သူငယ်ချင်းတွေပါပဲ။ ဒါပေမယ့် နှစ်ဦးသားအကြား သင်သတိထားမိနေတဲ့ ထူးခြားမှုတွေ ရှိနေတယ် ဆိုကြပါစို့။ သူမရဲ့ဆက်ဆံမှုတွေက တခြားမိန်းကလေမိတ်ဆွေတွေနဲ့ မတူဘဲ သင့်ကို တိတ်တခိုးများ ချစ်နေတာလား ဆိုတာကို ဆုံးဖြတ်ရခက်နေပါသလား။ အခုဖော်ပြထားတဲ့ အချက်တွေကို သူမလုပ်နေပြီဆိုရင်တော့ သင်ထင်တာမှန်နေပါပြီ။

၁။ သင့်ရှေ့မှာ စိတ်လှုပ်ရှားအနေရခက်နေတာ။

သူမရဲ့လက်တွေ ဂဏာမငြိမ်ဖြစ်နေပြီး၊ ဆံပင်ကိုကိုင်လိုက် ဖုန်းကိုကိုင်လိုက်လုပ်နေတတ်ပါတယ်။ စကားပြောနေတုန်း သူမကိုကြည့်လိုက်မယ်ဆိုရင်လည်း ရှက်သွေးဖြာသွားတတ်ပါတယ်။

၂။ သင်နဲ့မတည့်ပဲ ရန်အမြဲဖြစ်နေတာ။

ဒီအချက်ကတော့ သိပ်မသိသာပါဘူး။ မတည့်အတူနေဆိုတာလိုမျိုး သင့်နဲ့ စကားများရန်ဖြစ်နေပေမယ့် သင့်ကို ဘယ်တော့မှ လစ်လျူမရှုတတ်ပါဘူး။ သင်နဲ့ပက်သက်ပြီး ချိုးချိုးနှိမ်နှိမ်တွေပြော၊ မခံချင်လောက် စရာဟာသတွေပြောတတ်ပါတယ်။ သင်တို့နှစ်ဦးကြားအမြဲတမ်း စကားနိုင်လုနေတတ်ပါတယ်။ ဒီလိုတွေ လုပ်နေတာ သူမရဲ့ခံစားချက်အစစ်အမှန်ကိုဖုံးကွယ်ဖို့အတွက် လျှောက်လုပ်နေတာဖြစ်ပါတယ်။

၃။ သင်ပြောသမျှ၊ လုပ်သမျှကို အရင်ဆုံးတုံ့ပြန်တတ်တာ။

ရေဆာလိုက်တာလို့ ပြောမိလိုက်တာနဲ့ ရေခပ်လာပေးတာမျိုး၊ စသဖြင့် တခြားလူတွေထက် သင့်ကိုပိုပြီး အရေးပေးဆက်ဆံတတ်ပါတယ်။

၎။ သင်နားမလည်နိုင်တာ သူမပြောတာတွေကို မမှတ်မိတာကို စိတ်ဆိုးတတ်တာ။

ဒါဟာဘာကြောင့်လဲဆိုရင် သူမကိုပြန်ချစ်စေလိုတာကြောင့်ဖြစ်ပြီး သူမရဲ့ခံစားချက်ကို ဖွင့်ပြောခွင့် မရှိတာကြောင့်လည်း ပါဝင်ပါတယ်။

၅။ သူမအပေါ်သင့်ရဲ့ထင်မြင်ယူဆချက်တွေကို အရမ်းအလေးထားတာ။

သူမနဲ့ပတ်သက်ပြီး သင့်ရဲ့ထင်မြင်ယူဆချက်တွေကို အရမ်းဂရုစိုက်တတ်ပါလိမ့်မယ်။ သူမအပေါ် သင့်ရဲ့ ထင်မြင်ချက်တစ်ခုခုကို မကြိုက်ရင် အဲဒီအချက်မှားယွင်းနေကြောင်းကို သက်သေပြဖို့ ကြိုးစားပါလိမ့်မယ်။ သူမနဲ့ပတ်သက်ပြီး သင့်ကိုအကောင်းတွေပဲမြင်စေချင်သလို သင့်ရဲ့ထင်မြင်ယူဆချက်ကို ပြောင်းလဲပစ်ဖို့ အမြဲကြိုးစားနေတတ်ပါတယ်။

၆။ သင့်ဘ၀မှာ ပါဝင်ပတ်သက်ချင်တာ။

သင်နဲ့ပတ်သက်ပြီး အရာအားလုံးကို သိချင်ပါတယ်။ သင့်မိဘတွေနဲ့ ဘယ်လိုဆက်ဆံရေးမျိုးရှိလဲ၊ သင်တစ်ယောက်တည်းရှိနေချိန်မှာ ဘာလုပ်တတ်သလဲ၊ သင်ကောင်မလေးဘယ်နှစ်ယောက်နဲ့ ကြူနေ လဲ၊ ကျောင်းတုန်းက ဘယ်လိုသူငယ်ချင်းတွေရှိလဲ၊ သင့်ဘ၀မှာအဖြစ်ချင်ဆုံးကဘာလဲ၊ သင်အကြိုက်ဆုံး ဇာတ်ကားက ဘာလဲ၊ မနက်စာကို ဘာကြိုက်တတ်သလဲ၊ ပြောရင်ကုန်မှာတောင်မဟုတ်ပါဘူး။ အားလုံးကို သူမ သိချင်နေတာပါ။

၇။ Message တွေ ပို့တာ။

သင့်ဆီကို Messages တွေပို့ပါလိမ့်မယ်။ ပြီးရင် မှားပို့မိတာဆိုပြီး စကားပြောဖို့ အစဆွဲထုတ်ပါလိမ့်မယ်။ တကယ်တော့ သူမက သင့်ရဲ့ Facebook ကို စောင့်ကြည့်နေပြီး Chat Box မှာ မီးစိမ်းလေး လင်းလာတာကို စောင့်နေရှာတာပါ။ ပြီးရင် သင်နဲ့ စကားပြောဖို့ စိတ်မပါသလိုမျိုးနဲ့ ဟန်ဆောင်ဦးမှာပါ။

၈။ သင်ပြောသမျှ သဘောကျတာ။

သူမက သင်ပြောသမျှကို သဘောကျထောက်ခံတတ်ပါတယ်။ သင်အပါအ၀င် ဘယ်သူကမှ ရယ်စရာလို့ မထင်တဲ့ ဟာသမျိုးကို သင်ပြောရင် သူမရယ်ပါလိမ့်မယ်။ ဒါကလည်း ချစ်ဖို့ကောင်းပါတယ်။

၉။ သင့်ရဲ့အာရုံစိုက်ခံရဖို့ ဘာမဆိုလုပ်တာ။

သင်ဖုန်းခေါ်တိုင်း သူမ ပြန်ဖြေမှာမဟုတ်ပါဘူး။ ဒါ့အပြင် သင်က သူငယ်ချင်းတွေနဲ့အတူ အပြင်လျှောက် လည်ချိန်မှာ သူမက တစ်ယောက်တည်း အိမ်ပြန်သွားတတ်တာမျိုး၊ ပါတီပွဲမှာ တစ်ခုခုကြောင့် ၀မ်းနည်းနေရသလိုမျိုး တစ်ယောက်တည်းထိုင်နေတာမျိုးတွေ လုပ်တတ်ပါတယ်။ ဒီလိုလုပ်တာကို သင် သတိပြုမိပြီး တစ်ခုခုလုပ်ပေးစေချင်တာဖြစ်ပါတယ်။

၁၀။ လူချင်းတွေ့ရင်တစ်မျိုး၊ အွန်လိုင်းမှာတွေ့ရင်တစ်မျိုးဆက်ဆံတတ်တာ။

သင်တို့နှစ်ဦး လူချင်းတွေ့တဲ့အချိန်မှာ တခြားသူငယ်ချင်းတွေကို ပြောဆိုဆက်ဆံသလိုပဲ ဆက်ဆံပြီး လူချင်းမတွေ့ရဘဲ အွန်လိုင်းပေါ်မှာ တွေ့တဲ့အခါမှာတော့ ပလူးပလဲပြောတတ်ပါလိမ့်မယ်။ တကယ့်ကို သူမ မဟုတ်တဲ့ အခြားတစ်ယောက်နဲ့ပြောနေသလိုမျိုး ဖြစ်ပါတယ်။ ဒါဟာလည်း သင့်ကို လူချင်းတွေတဲ့ အချိန်မှာ ပလူးပလဲဆက်ဆံဖို့ မ၀ံ့ရဲတာကြောင့်ဖြစ်ပါတယ်။

၁၁။ သင့်ကို သ၀န်တိုတာ။

သင်က တခြားမိန်းကလေးတွေနဲ့ စကားပြောနေရင်တောင် သူမက မကြိုက်တဲအမူအယာတွေ လုပ်ပြတတ် ပါတယ်။ တခြားမိန်းကလေးတွေကို အာရုံစိုက်နေတဲ့အတွက်လည်း စိတ်ဆိုးနေတတ်ပါတယ်။

၁၂။ သင့်နဲ့နှစ်ယောက်တည်းအတူရှိနေဖို့နည်းလမ်းတွကို ရှာနေတတ်တာ။

အုပ်စုလိုက်သွားနေရင်တောင်မှ အကြောင်းတစ်ခုခုပြပြီး သင့်ကိုဆွဲထုတ်ပြီး သူမနဲ့အတူလိုက်ခဲ့ ဖို့ ခေါ်ပါလိမ့်မယ်။ သူမကိုအဖော်ပြုပေးဖို့ရွေးတဲ့သူကလည်း အမြဲတမ်း သင်ပဲဖြစ်နေပါလိမ့်မယ်။

၁၃။ သင့်ကို မျက်ခြေအပြတ်မခံတာ။

ဘယ်နေရာမှာပဲဖြစ်ဖြစ် သူမဟာ တစ်နည်းနည်းနဲ့ သင်မြင်သာတဲ့နေရာမှာရှိနေတတ်ပါတယ်။ ဒါ့အပြင် သင်ဘယ်နေရာမှာ ရှိနေလဲဆိုတာကိုလည်း အတိအကျသိပါတယ်။ သူမကို သတိပြုမိဖို့ အမြဲကြိုးစားနေ ပါလိမ့်မယ်။

၁၄။ သူမရဲ့တန်ဖိုးကို မြှင့်တင်တတ်တာ။

တစ်နေရာရာကိုသွားဖို့ သူမ မလိုက်နိုင်ကြောင်း အကြောင်းပြချက်တစ်ခုခုပေးပါလိမ့်မယ်။ တကယ်တော့ သင့်ရဲ့ တောင်းဆိုမှုရဖို့ ကြိုးစားတာဖြစ်ပါတယ်။ သင်က နည်းနည်းတောင်းဆိုလိုက်တာနဲ့ သူမစိတ်ပြောင်း သွားပါလိမ့်မယ်။

၁၅။ သင့်ကို ထူးထူးခြားခြား ကြည့်တတ်တာ။

တခြားမိန်းကလေးတွေက သင့်ကိုကြည့်တဲ့အကြည့်မျိုးနဲ့ မတူပဲ သူမက ကြည့်တတ်ပါတယ်။ သူမ မျက်ဝန်းတွေထဲမှာ ညှို့ငင်အားတစ်ခုနဲ့ ကြည့်တာမျိုးဖြစ်ပါတယ်။ သင်က တစ်ခြားသူနဲ့ စကားပြောနေ ရင်တောင်မှ သူမအကြည့်တွေက သင့်ဆီမှာပဲရှိနေတတ်ပါတယ်။

၁၆။ အကြည့်အတွက် ရှက်တတ်တာ။

သူမက ကြည့်နေတာကို သင်မိသွားတဲ့အခါမျိုးမှာ မျက်နှာမှာရှက်သွေးဖြာသွားတတ်ပြီး အကြည့်ကို ချက်ချင်း လွှဲသွားပါလိမ့်မယ်။

၁၇။ သင်ပြောသမျှအားလုံးကို မှတ်မိနေတတ်တာ။

အားလုံးပါပဲ။ သူမရဲ့ဖုန်းကို ဘယ်နားထားမိလဲဆိုတာကိုပဲ မေ့ချင်မေ့နေပါလိမ့်မယ်။ သင်ပြောသမျှ တစ်ခုမှမကျန်အောင် သူမမှတ်ထားပါလိမ့်မယ်။

၁၈။ သင်အပြောများတဲ့စကားလုံးကို လိုက်ပြောတာ။

သင်မကြာခဏသုံးလေ့ရှိတဲ့ စကားလုံးတွေကို မှတ်ထားပြီး လိုက်ပြောပါလိမ့်မယ်။ တခြားသူတွေက ဒီအချက်ကို သတိထားမိတဲ့အထိပါပဲ။

၁၉။ သင်နဲ့စကားပြောနေရရင် ကျေနပ်နေတာ။

သင်နဲ့စကားပြောနေရလို့ကတော့ သူမအတွက် ဘယ်တော့မှပျင်းရိငြီးငွေ့တယ်ဆိုတာ မရှိပါဘူး။ စကားပြောစရာတွေ မကုန်နိုင်အောင်ဖြစ်နေပါလိမ့်မယ်။ စကားဆုံးသွားပြီးလို့ သင်ထင်ထားရင်တောင်မှ သူမက မေးခွန်းအသစ်တွေ ထပ်မေးတတ်ပါလိမ့်မယ်။

၂၀။ သင့်ကို အမြဲခွင့်လွှတ်နားလည်ပေးတာ။

သူမကို သင်ဘယ်လိုပဲ ဆက်ဆံပါစေ၊ ဂရုမစိုက်တာပဲဖြစ်ဖြစ်၊ စိတ်ဓာတ်ကျအောင်လုပ်တာပဲဖြစ်ဖြစ် သင့်ကို အမြဲ ခွင့်လွှတ်နားလည်ပေးနေမှာ ဖြစ်ပါတယ်။ ဘာလိုပဲဖြစ်နေပါစေ သင့်ဘေးနားမှာ အမြဲရှိနေချင် တတ်ပါတယ်။ တစ်ခုတော့သိထားပါ။ သူမရဲ့အချစ်က ချွင်းချက်မရှိ အနှိုင်းမဲ့ဖြစ်ပါတယ်။

၂၁။ သင့်အတွက် စိုးရိမ်လွန်းတတ်တာ။

ပုံမှန်သူငယ်ချင်းတစ်ယောက်က စိုးရိမ်ပူပန်တာမျိုးထက် ပိုပြီးတော့ စိုးရိမ်တတ်ပါတယ်။ သာမန်အအေးမိ ဖျားနာတာမျိုးလေး ဖြစ်ရင်တောင်မှ တစ်နေ့ကို သုံးကြိမ်လောက် ဖုန်းဆက်ပြီး နေလို့ကောင်းပြီလား မေးပါ လိမ့်မယ်။

၂၂။ တစ်ခြားကောင်လေးနဲ့စရင် မကြိုက်တာ။

သူမကို တစ်ခြားကောင်လေးတစ်ယောက်ယောက်နဲ့ ယှဉ်တွဲပြီး စနောက်မယ်ဆိုရင် သူမအရမ်း စိတ်ဆိုးပါ လိမ့်မယ်။ ဘာကြောင့်လဲဆိုတော့ သူမက သင်ကလွဲပြီး ဘယ်သူ့ကိုမှ စိတ်မ၀င်စားဘူးဆိုတာကို သင့်ကို သိစေချင်လို့ဖြစ်ပါတယ်။

၂၃။ သူမသူငယ်ချင်းတွေပါမယ့် အစီအစဉ်တွေကို ရှောင်တာ။

သင့်ကို တဖက်သတ်ချစ်ကြိုက်နေတာကို သူမရဲ့သူငယ်ချင်းတွေ ရိပ်မိသွားမှာစိုးရိမ်လို့ ဖြစ်ပါ တယ်။ နောက်တစ်ချက်ရှိပါသေးတယ်။ သင့်ကို အမျိုးသမီးအသစ်တွေနဲ့ ခင်မင်ခွင့်ပေးလိုက်ရင် သူမအတွက် ပြိုင်ဖက်တွေ ရှိလာမှာကို မလိုလားလို့ဖြစ်ပါတယ်။

၂၄။ သင်နဲ့ လက်ပွန်းတတီးနေတတ်တာ။

သင်နဲ့ လက်မောင်းချင်း မသိမသာထိကပ်ထားတာ၊ သင့်ခန္ဓာကိုယ်ကို ပုတ်ပြီးစကားပြောတာမျိုးတွေ လုပ်တတ်ပါတယ်။ သူမအနားမှာရှိနေချိန်မှာ ထိတွေ့မှုတစ်ခုခုရှိအောင် ကြိုးစားတတ်ပါတယ်။

၂၅။ သင့်ဖက်က အမြဲရပ်တည်တာ။

သူမက သင့်ရဲ့အကြွင်းမဲ့ထောက်ခံသူဖြစ်ပါတယ်။ ဘာမဟုတ်တဲ့ကိစ္စအတွက် သူငယ်ချင်းတွေအကြား ငြင်းခုံကြရင်တောင် သင့်ဖက်ကလိုက်ပြီး သင့်ကိုကာကွယ်ပေးတတ်ပါတယ်။

၂၆။ သင့်နားမှာ ရှိခွင့်ရဖို့ ကြိုးစားနေတာ။

ထိုင်တဲ့အခါပဲဖြစ်ဖြစ် လမ်းလျှောက်သွားတဲ့အခါမှာပဲဖြစ်ဖြစ် သင့်ဘေးနားမှာ အမြဲနေရာယူလေ့ရှိပါတယ်။ သင်တစ်ယောက်တည်းဖြစ်နေရင်လည်း အတူလာထိုင်ပြီး စကားပြောတတ်ပါတယ်။

၂၇။ သင်နဲ့နှစ်ယောက်တည်းလုပ်ရမယ့်ကိစ္စတွေကို ပိုစိတ်ဝင်စားတာ။

ဟုတ်ပါတယ်။ သင်နဲ့အတူ နှစ်ယောက်တည်းလုပ်ရမယ့်ကိစ္စဆိုရင် သူမလုပ်ဆောင်ဖို့ အသင့်ပါပဲ။ သူမက စီစဉ်တာဆိုရင်တော့ အဲဒီကိစ္စကို တခြားသူလုပ်ရဖို့ မရှိပါဘူး။

၂၈။ သင့်မွေးနေ့အတွက် အမြဲတမ်းပထမဆုံး ဆုတောင်းပေးတတ်တာ။

မနက်ဖြန်က သင့်မွေးနေ့ဆိုပါတော့။ ဒီနေ့ည ၁၂ နာရီမထိုးခင် တစ်နာရီလောက်အလိုမှာကတည်းက သင့်ရဲ့ Facebook wall ပေါ်မှာ မွေးနေ့ဆုတောင်းရေးပေးဖို့ သူမပြင်ဆင်ထားပြီးသားပါ။ ၁၂ နာရီမထိုးခင် (၅)မိနစ်လောက်အလိုမှာ ဖုန်းခေါ်ပြီး (၁၀)မိနစ်လောက်ကို စကားတွေလျှောက်ပြောပါလိမ့်မယ်။ သူမထက်အရင် ဘယ်သူကမှ မွေးနေ့ဆုတောင်းပေးတာမျိုး မဖြစ်စေချင်လို့ပါ။

၂၉။ တစ်ခုခုဆိုရင် သင့်ကို အရင်ဆုံးဆက်သွယ်တတ်တာ။

အကြောင်းထူးတစ်ခုခုရှိတာနဲ့ သင့်ကို အရင်ဆုံးဖုန်းဆက်တာ၊ စာပို့တာတွေ လုပ်ပါလိမ့်မယ်။ ဘာလို့ဆိုရင် သူမစိတ်ထဲမှာ သင်ကစိုးမိုးထားတာကြောင့်ပါ။

ကဲ… ဒီလောက်ဆိုရင်တော့၊ သူမအပေါ်မှာ သင်ဖက်ကလည်း တစ်ဖက်သတ် စိတ်ဝင်စားနေတာမျိုး ဖြစ်ခဲ့မယ်ဆိုရင် သူမရှေ့မှာ သင့်ရဲ့ခံစားချက်တွေ ၀န်ခံဖွင့်ဟဖို့ လုံလောက်ပြီလို့ ထင်ပါတယ်။

__________________________________________

source : gentleman

Mar 25.2016 | http://www.mymemo.cf/2016/03/post380.html