စီးပွားရေး ပြေလည်သော အိမ်တစ်အိမ်ပေါ်သို့ ဖွတ်နှစ်ကောင် တက်လာကြသည်။
နောက်ဖေးပေါက်က တက်လာသောဖွတ်များသည် မီးဖိုခန်းကို ဖြတ်သောအခါ ဖုန်းကြည့်ရင်း ဟင်းရွက်သင်နေသော အိမ်ရှင်မကို တွေ့ရသည်။
ဆက်၍သွားသော် အိပ်ခန်းထဲ၌ တက်ပလက်တစ်လုံးဖြင့် ဂိမ်းဆော့နေကြသော ကလေးနှစ်ယောက်ကို တွေ့ရပြန်သည်။
ဧည့်ခန်းသို့ ရောက်ချိန်၌ကား ဖုန်းထဲက ဇာတ်ကားများကို ဒေါင်းလုပ်ဆွဲနေသည့် အိမ်ထောင်ဦးစီးကို မြင်ကြရ၏။
ဖွတ်နှစ်ကောင် တီးတိုး တိုင်ပင်ကြသည်။
"ဟေ့ ... ငါတို့ မတက်လည်း သူတို့ မွဲမှာ သေချာနေပြီ ... ပြန်ကြစို့"
"အေး .... ဒါဆိုရင် လုံလောက်နေပြီ...."
ဖွတ်နှစ်ကောင်သည် အိမ်ပေါ်မှ ပြန်ဆင်းသွားကြလေ၏။
------------
မြန်မာပြည်တွင်ရှိသော ဆက်သွယ်ရေးအော်ပရေတာများထံမှ ဖုန်းကတ် ဝယ်သုံးနေကြသော အရေအတွက်ကို လျှော့လျှော့ပေါ့ပေါ့ ရေတွက်ကြည့်လျှင် သန်း (၃၀) လောက် ရှိသည်။
ဖုန်းကတ် တစ်ကတ်သည် တစ်နေ့လျှင် တစ်ကျပ်ဖိုး သုံးပါက တစ်တိုင်းပြည်လုံး၏ ဖုန်းဖိုး အသုံးပြုငွေသည် သန်း (၃၀) ဖြစ်သည်။
တစ်ဆယ်ဖိုး သုံးလျှင် သန်း (၃၀၀)။
တစ်ရာဖိုး သုံးတော့ သန်း (၃၀၀၀) ပေါ့။
ပျှမ်းမျှအားဖြင့် ထိုငွေလောက်တော့ သုံးကြပါသည်။
ဒါ (၁) ရက်စာသာ ဖြစ်သည်။
ဆယ်ရက်စာ တွက်လျှင် သန်းပေါင်း (၃၀၀၀၀)။
တစ်လဆိုလျှင် သန်းပေါင်း (၉၀၀၀၀) ဖြစ်ပါသည်။
အစိုးရကို ဖုန်းအော်ပရေတာများက လစဉ်ပေးဆောင်ရသော အခွန် ၅ - ရာခိုင်နှုန်း၏ ပမာဏကပင် ကြောက်မက်ဖွယ်ကောင်းအောင် များပါသည်။
------------
အရင်တုန်းက ဖုန်းကပ်တွေ မရှိသေး။ ရှိလာတော့လည်း ဈေးက အရမ်းကြီးတော့ လူတိုင်း ဖုန်း မဝယ်နိုင်။
ထို့ကြောင့် ဖုန်းဖိုးငွေလည်း မကုန်။ အချိန်လည်း မကုန်။ မျက်စိလည်း မထိခိုက်။ လူလည်း ကျန်းမာ။
ထိုသောအခါက လူတိုင်းလိုလိုသည် လုပ်စရာ အလုပ်တွေကို အပြည့်အဝ လုပ်နိုင်ကြသည်။ အလုပ်အကြောင်း စဉ်းစားကြသည်။ တွေးကြသည်။ လုပ်လည်း လုပ်ကြသည်။
အလုပ်ပေါ်မှာ အာရုံစိုက်တော့ အလုပ်တွေ အချိန်မီ ပြီးစီးကြသည်။ အလုပ်ကို ပိုကျွမ်းကျင်လာကြသည်။
ကောင်းကောင်းအနားယူရန်လည်း အချိန် ရှိကြလေသည်။
ဖုန်းကို အချိန်ပေးဖို့ မလိုသောကြောင့် မိသားစုကို အချိန်ပေးနိုင်ကြသည်။ မိတ်ဆွေ အပေါင်းအသင်းများနှင့် စကားစမြည် ပို၍ ပြောနိုင်ကြသည်။ ပြောကြသည်။
ဘုရားသွားလျှင်ပင် ရတနာသုံးပါးကို အထူးအာရုံပြုနိုင်ကြသည်။ ဘုရားမျက်နှာတော်ကို ကြည့်၍ ကြည်ညိုနိုင်ကြသည်။ ကုသိုလ် ယူနိုင်ကြသည်။ ယုတ်စွအဆုံး ဘုရားက ဈေးတန်းနှင့် အနုလက်ရာများကို ပိုမို၍ စိတ်ဝင်တစား လေ့လာနိုင်ခဲ့ကြပါသည်။
---------------
ယခုအခါမှာတော့ ပြောင်းပြန် ဖြစ်သွားလေပြီ။
အလုပ်က လစ်သည်နှင့် လက်က ဖုန်းကို တန်းဆွဲတော့သည်။ မလစ်လည်း အလုပ်လုပ်နေရင်း ဖုန်းဆီသို့ စိတ်က ရောက်နေသည်။ တစ်ခါတစ်ရံ လုပ်စရာတွေ ရှိနေသည့်ကြားက အလုပ်ကိုပစ်ပြီး ဖုန်းနဲ့ နှစ်ပါးသွားတော့သည်။ အလုပ်လုပ်ချိန်တွေ လျော့လာသည်။
မိသားစုလည်း မကြည့်အား။ မိတ်ဆွေတွေနဲ့လည်း အချိန် မပေးအား။ ဘုရားရောက်တာတောင် ဓာတ်ပုံရိုက်၊ ဆယ်ဖီဆွဲ၊ post တင်ဖို့သာ အရေးထားပြီး ဘုရားကိုတော့ မကန်တော့ဘဲ ပြန်ဆင်းလာကြတာတွေ များလာတော့၏။
သဘာဝတရား၏ အလှတရားစစ်စစ်များကိုလည်း ခံစားခြင်း မရှိကြတော့။ စာပေ၏ အရသာကိုလည်း ဖတ်ရှု ရယူနိုင်ခြင်း မရှိကြတော့။
ပင်မအလုပ်၊ ပင်မတာဝန်ကို ကျေပွန်သည်ထက် ကျေပွန်အောင်၊ ကျွမ်းကျင်သည်ထက် ကျွမ်းကျင်အောင် လုပ်ရန်ထက်၊ ဖုန်း အပလီကေးရှင်းများအားလုံးကို ကျွမ်းကျင်အောင်လုပ်ဖို့၊ ချက်တင် ဝင်ဖို့၊ ဂိမ်းမျိုးစုံ ကစားတတ်ဖို့ အားသန်လာနေကြသည်။
ဖုန်းက လက်ထဲ ရှိနေတော့ ကိစ္စ ရှိရှိ မရှိရှိ၊ အရေးကြီးကြီး မကြီးကြီး ဘာမှ အရေးမပါသော ကိစ္စအသေးအဖွဲကိုလည်း တစ်ခြားသူများထံသို့ ဇိုးခနဲ ဇတ်ခနဲ အလွယ်တကူ ဆက်တတ်လာသည်။ ဖုန်းမရှိရင် ဘဝပဲ သေသွားမလို ဖြစ်လာကြသည်။ လက်ကိုင်ဖုန်းတွေ မပေါ်သေးခင်က၊ မသုံးနိုင်သေးခင်က နေထိုင်ခဲ့ကြပုံတွေကို မေ့သွားကြသည်။
မိမိ ကလေးကို မုန့် တစ်ထောင်ဖိုး မကြာမကြာ ကျွေးရန် ဝန်လေးသော်လည်း တစ်ထောင်တန် ငွေဖြည့်ကတ် ခဏခဏ ဝယ်ရန်အတွက်တော့ လက်မတွန့်ချေ။
အထူး သိသာသော ဆုံးရှုံးမှုမှာ "လူတို့၏ ကိုယ်တိုင်အားထုတ်မှုများ ဆုတ်ယုတ်သွားခြင်း" ဖြစ်သည်။
ယခင်အခါက အကြောင်းတစ်ရပ်ကို သိရန်၊ ကျွမ်းကျင်ရန် မည်သူမဆို အပတ်တကုတ် စဉ်းစားရသည်။ ကြိုးစားကြရသည်။ ရှာဖွေကြရသည်။ စမ်းသပ်ကြရသည်။
ဖုန်းတွေ ရှိလာတော့ ဖုန်းထဲက အလွယ်တကူ ရှာလိုက်သည်။ ဖုန်းကနေ အလွယ် မေးလိုက်သည်။ ကိစ္စသေးသေးလေးကိုပင် ကိုယ်တိုင် ရှာဖွေလုပ်ကိုင်ဆန်းစစ်ပြီး သိရန် မကြိုးစားချင်ကြတော့ပေ။ မစဉ်းစားချင်ကြတော့ပေ။
သူတို့ကတော့ ကိုယ့်ကိုယ်ကို ယခင်ထက် ပိုပြီး သိလာသည်ဟု ထင်နေကြသည်။ တစ်ကယ်က မဟုတ်။
ဘာနှင့်တူသလဲ ဆိုလျှင် - ပုစ္ဆာ၏ အဖြေကိုတော့ ရထားသည်။ သို့သော် ဤအဖြေရအောင် ဘယ်လို ဘယ်ပုံ ဖြေရှင်းရသည်ဟူသော တွက်နည်းကို မသိသည့် စာသင်သားနှင့် တူလာကြပါသည်။
----------------
နေရာတိုင်းမှာ အရည်အသွေးတွေ ကျဆင်းလာသည်။
ရုပ်ခွန်အား၊ စိတ်ခွန်အားတွေ လျော့ပါးလာသည်။
ဖုန်း၊ ဖေ့စ်ဘုတ်၊ ဗိုင်ဘာ၊ မက်ဆင်ဂျာစသည်များကို တီထွင်ပေးခဲ့ကြသူများက ကောင်းမြတ်သော ရည်ရွယ်ချက်များဖြင့် လူသားတို့ကို အကျိုးပြုရန် ဖန်တီး ထုတ်လုပ်ခဲ့ကြသည်။
ထို့ကြောင့် ဖုန်း သုံးခြင်း၏ ကောင်းကျိုးတွေ အမြောက်အများ ရှိပါသည်။ သို့သော် ယင်းတို့ကို အမှန်တစ်ကယ် ရယူခံစားသုံးစွဲနိုင်သည့် အရေအတွက်က အလွန် နည်းပါးပါသည်။
"ဖုန်းသုံးရင် ဘယ်လိုအကျိုးရှိတာ" ဟူသော ဆင်ခြေကို ပေးကြသော်လည်း စင်စစ်ကတော့ အကျိုးယုတ်တာက ပို၍ သာလွန် များပြားနေကြသည်မှာ ငြင်းလို့မရပါ။ အကျိုးရှိတာက ပို၍ များကြောင်း လက်ဆုပ်လက်ကိုင် သက်သေ မပြနိုင်ကြပါ။
ပညာရှာသည်ဟု အကြောင်းပြသူ တစ်ယောက်အနေနှင့် ဖုန်းပေါ်ကနေ ပညာရှာသည့်အချိန်ထက် မိမိစိတ် အာသာပြေအောင် သုံးနေသည့်အချိန်က ပို၍များကြောင်း လွယ်ကူစွာ ဆန်းစစ်ကြည့်နိုင်ပါသည်။
ယနေ့ခေတ် လူငယ်နှင့် လူလတ်များသည် သာမန်လူတစ်ယောက် သိသင့်သိထိုက်သော အခြေခံ အထွေထွေဗဟုသုတလေးများကိုပင် မသိကြပေ။ ထိုကဲ့သို့ ဗဟုသုတ အလွန်ခေါင်းပါးခြင်းက ဖုန်းကို ထိရောက်စွာ သုံးနေခြင်းမဟုတ်ကြောင်း ထင်ရှားစေသည်။
တစ်ကယ်က ဖုန်းထဲမှာ ဗဟုသုတအများကြီး ရှိသည်။
ငွေ နှင့် အချိန် ဆုံးရှုံးခြင်းအပြင် နောက်ဆက်တွဲ ပေါ်ပေါက်လာသည့် ဆုံးရှုံးမှုများကိုလည်း မသိမဟုတ်။ သိကြပါသည်။ မြင်ကြပါသည်။ သို့သော် မပြင်နိုင်ကြပါ။
"အမြည်း" အဖြစ်သာ သုံးဆောင်ရမည့် အစားအစာကို "အဝစား" နေကြသူများနှင့် တူသည်။
Like A virgin သီချင်းဖြင့် ကမ္ဘာကျော်ခဲ့သည် အဆိုတော် မက်ဒေါနားက မိမိ သားသမီးများကို ငယ်စဉ်ကတည်းက ဖုန်းပေးကိုင်လိုက်မိသည့်အတွက် မိမိနှင့် သားသမီးများကြားတွင် ဆက်ဆံရေး ကြဲသွားခဲ့ရသည်။ ထို့အတွက် နောင်တ ရမိသည်ဟု ဆိုပါသည်။ ယခု အငယ်ဆုံးသားလေးကိုတော့ ဖုန်းနှင့် အဆက်ဖြတ်ထားမည်ဟုလည်း ပြောသည်။ ဖုန်းသည် ချစ်ခြင်းမေတ္တာတရားများကို ပို၍ နွေးထွေးနီးကပ်မလာစေဘဲ အေးစက်ဝေးကွာသွားစေသည်မှာ လက်တွေ့ မြင်တွေ့နေရသည်။
ဖုန်းသည် မိမိဘဝ တိုးတက်မြင့်မားစေရန် ထိရောက်စွာ အထောက်အကူ ပြုနိုင်သော အရာတစ်ခု ဖြစ်လာရမည့်အစား မိမိဘဝ အောင်မြင်ရေးကိုပင် ကြီးစွာသော အဟန့်အတားပြုနေသည့် အဖြစ် ပြောင်းလဲလာသည်။
ဖုန်းထဲ၌ မြင်တွေ့နေရသော အကြောင်းအရာများ၊ ရုပ်ပုံလွှာများသည် လူ့စိတ်အပေါ် လွှမ်းမိုးလွန်းသောကြောင့်လည်း ဖုန်းသည် လူသားတို့၏ အရေးပါသော ဘဝအစိတ်အပိုင်းကြီးတစ်ခုသဖွယ် ဖြစ်လာနေသည်။ ဖုန်းမကိုင်ရသောကြောင့် မိမိကိုယ်မိမိ သတ်သေသူပင် ပေါ်ပေါက်လာခဲ့သည်။
စင်စစ်အားဖြင့် လက်ထဲက ဖုန်းသည် မိမိ အလိုရှိသည့်အချိန်တွင် မိမိစေခိုင်းသည့်အတိုင်း အလုပ်လုပ်ရမည့် မိမိ၏ "အခိုင်းခံပစ္စည်း" ဖြစ်ရမည်။
သို့သော် လက်တွေ့တွင်မူ မိမိကသာ သူ၏ လွှမ်းမိုးချုပ်ကိုင်ခြင်း ခံလိုက်ရသဖြင့်၊ "ဖုန်း၏ကျေးကျွန်" ဘဝသို့ သက်ဆင်းသွားကြရလေသည်။
ထိုအဖြစ်မျိုး များစွာ ရှိသည်။
ဖုန်း၏ မာယာ ကျော့ကွင်း၌ အမိခံလိုက်ရသဖြင့်
ကျောင်းသားက စာကို စိတ်မဝင်စား
ဆရာက စာသင်ခန်းကို စိတ်မဝင်စား
ဝန်ထမ်းက အလုပ်စားပွဲကို စိတ်မဝင်စား
ဈေးသည်က ဈေးဝယ်ကို စိတ်မဝင်စား
ကုန်သည်က အရောင်းအဝယ်ကို စိတ်မဝင်စား
သံဃာက သာသနာရေးကို စိတ်မဝင်စား ...။
ဤသို့ အကျိုးယုတ်မှန်း သိပါလျက် သိသိကြီးနှင့် အဘယ်ကြောင့် သုံးနေကြပါသနည်း။
ထိုစကား၏ အဖြေ ရှိသည်။
ကျွဲသည် ညွန်၌သာ ပျော်သည်။
လူသည်လည်း မကောင်းစိတ်မှာသာ မွေ့သည်။
လူတွေ ဒါလောက် ပျော်မွေ့နှစ်သက် မက်မောခုံမင်နေပြီဆိုမှတော့ -
ဖုန်းသုံးခြင်းသည် မကောင်းသော စိတ်အာရုံများ မွေးဖွားပေးရာ နေရာ ဖြစ်နေသည်မှာ သေချာလှပေ၏။
---------------
တစ်ယောက်လျှင် ငွေတစ်ရာနှုန်းဖြင့် တစ်လလျှင် သန်းပေါင်း (ကိုးသောင်း) ကို ဖုန်းအတွက် မသုံးဘဲ မိမိအတွက်၊ မိမိ မိသားစုအတွက် သုံးလျှင် အလွန် အကျိုးဖြစ်ထွန်းပေမည်။
နည်းနည်းနောနောမှ မဟုတ်တာလေ။
တိုင်းသူပြည်သားတို့ ပင်ပန်းဆင်းရဲကြီးစွာ ရှာဖွေထားရသည့် ကြီးမားလှသော ထို ငွေကြေးပမာဏသည် ဟိုတုန်းကတော့
ပညာရေး၊ လူမှုရေး၊ စီးပွားရေး၊ ဘာသာရေး ကဏ္ဍများသို့ အရှိန်အဟုန်ဖြင့် စီးဆင်းခဲ့သည်။
ယခုတော့ ထိုကဏ္ဍတွေအတွက် အပြည့်အဝ မသုံးနိုင်တော့ဘဲ ဖုန်းငွေဖြည့်ကတ် ဝယ်ရန်သာ ဦးစားပေးလာကြသည်။
ထိုငွေများသည် မက်လုံးအမျိုးမျိုးဖြင့် ဆွယ်နေသော ဖုန်း အော်ပရေတာများထံသို့သာ စီးဆင်းသွားလေသည်။
စီးပွားရေးသမားများကလည်း ဖုန်း ဟဲန်းဆက်များကို တစ်မျိုးပြီးတစ်မျိုး မရိုးရအောင် ထုတ်သည်။
ဖေ့စဘုတ်၊ မက်ဆင်ဂျာ၊ ဗိုင်ဗာ၊ ဘီးတော့၊ ဝီချက်၊ ဗွီကေ စသည့် အပလီကေးရှင်း အမျိုးမျိုးကို တီထွင်သည်။
ဂိမ်းပေါင်းစုံကို ကြေညာ၍ သုံးခိုင်းသည်။
လူတွေကလည်း ထိုအရာများနောက်သို့ ပျော်ရွှင်စွာ စီးမျောလိုက်ပါနေကြလေ၏။ ဖုန်းကြည့်ပြီးနောက် အယူအဆမှား၊ အတွေးမှားတွေ ဖြစ်ကာ အပြုအမူတွေ၊ အပြောအဆို၊ အနေအထိုင်တွေလည်း မှားလာကြသည်။
ဤနိုင်ငံတွင် ဖုန်းတွေကို ဖောဖောသီသီ သုံးနိုင်လာကြသည့် အချိန်နောက်ပိုင်းကစ၍ လူငယ်တို့ကျူးလွန်သော ရာဇဝတ်မှုများ၊ သက်ငယ်မုဒိန်းမှုများ၊ လူမှုရေး အိမ်ထောင်ရေး ငွေရေးကြေးရေး အရှုပ်အထွေးများ သိသိသာသာ များလာသည်မှာ ငြင်းမရပါချေ။
မျက်မှောက်ကာလတွင် ယင်းပြဿနာများကို ဖွံ့ဖြိုးပြီးသော ကမ္ဘာ့နိုင်ငံကြီးများပင် ရင်ဆိုင်ကြုံတွေ့နေရသဖြင့် တိုင်းပြည်၏ အနာဂတ်အကျိုးစီးပွားအတွက် ဥပဒေများထုတ်ပြန်ကာ အပြင်းအထန် ပိတ်ပင်တားမြစ်နေရပြီ ဖြစ်ပါသည်။
ကင်ဆာဆဲလ်များ ပြန့်ပွားသည့်ပမာ တစ်စထက်တစ်စ ကျယ်ပြန့်စွာ နေရာယူလာနေသော ဖုန်းပြဿနာသည် ပေါ့သေးသေး မဟုတ်။ ကမ္ဘာ့မွဲဆေးကြီး တစ်ဖုံ ဖြစ်ရန် အလားအလာကောင်းနေချေပြီတည်း။
-----------------
ဒီနှုန်းအတိုင်း ဆက်၍ သုံးနေကြမည် ဆိုပါစို့။
ကျောင်းသားကလည်း ဖုန်းလေးနဲ့...
ဆရာ ဆရာမကလည်း ဖုန်းလေးနဲ့ ...
ကျောင်းအုပ်ကြီးကလည်း ဖုန်းလေးနဲ့
ဝန်ထမ်းကလည်း ဖုန်းလေးနဲ့ ....
အရာရှိကလည်း ဖုန်းလေးနဲ့ ...
ဈေးသည်ကလည်း ဖုန်းလေးနဲ့ ...
ပွဲစားကလည်း ဖုန်းလေးနဲ့ ...
ကုန်သည်ကြီးလည်း ဖုန်းလေးနဲ့
ဝန်ကြီး ဝန်ကလေးကလည်း ဖုန်းလေးနဲ့ ...
တက်ညီလက်ညီ မွဲဆေးဖော်ကြမည် ဆိုလျှင် ...
တရုတ်ကို အနောက်နိုင်ငံတွေက ဖျက်ဆီးခဲ့သည် သမိုင်းထဲက ဘိန်းစစ်ပွဲဆိုတာ တိုင်းပြည်ပျက်စီးဖို့ အချိန်အတော်ကြာပါသည်။
ဒီပြည်ကတော့ (အချို့သော ဥရောပနိုင်ငံများကဲ့သို့ အလွန်တင်းကြပ်သည့် စည်းမျဉ်းများဖြင့် ပိတ်ပင်တားဆီးထိန်းသိမ်းမှု မပြုလျှင်) ဖုန်းကြောင့် အဘက်ဘက်က လျင်မြန်စွာ ယိုယွင်းပျက်စီးမည်ကား မြေကြီးလက်ခတ်မလွဲနိုင်ပါချေ။
--------------------------------
(ကြည်ဟန်စီးပွားရေး)
#Cartoon - Credit
