အမေရိကန်ပြည်ထောင်စု၊ ကယ်လီဖိုးနီးယားပြည်နယ်၊ ပါလိုအော်တိုမြို့တွင် (Palo Alto) မြို့တွင် တည်ရှိသော မာဇာနည်းပညာ (Maxar Technologies) ထုတ်လုပ်မှုအဆောက်အဦ၌ အပြီးသတ် စမ်းသပ်စစ်ဆေးမှုများပြုလုပ်ပြီးနောက် တောင်အမေရိကတိုက်၊ မြောက်အတ္တလန်တိတ်သမုဒ္ဒရာ ကမ်းခြေ၊ ကော်ရိုး၊ ပြင်သစ် ဂီယာနာ Kourou, French Guiana) ရှိ အာရိယန်အာကာသ ပစ်လွှတ်ရေးအခြေစိုက်စခန်း (Arianespace Launch base) သို့ MyanmarSat 2 ပါဝင် သည့် Intelsat 39 ဟုခေါ်သည့် မြေပြင်တည်ငြိမ်ပတ်လမ်းသွား ဆက်သွယ်ရေးဂြိုဟ်တုတစ်လုံးသည် လုံခြုံချောမွေ့စွာဖြင့် ရောက်ရှိလာခဲ့သည်။ IS 39 ဂြိုဟ်တုကို နှစ်ရှည် ဖောက်သည်ဖြစ် သော Intelsat အတွက် မာဇာက (၅၂) စင်းမြောက်ဂြိုဟ်တုအဖြစ် တည်ဆောက်ပေးခဲ့ခြင်းဖြစ်သည်။ ယခုဆိုလျှင် Intelsat, Arianeaspace နှင့် Mazar အဖွဲ့တို့သည် ကော်ရိုး၊ ပြင်သစ် ဂီယာနာတွင် ဂြိုဟ်တုကို အာရိယန် ၅ (Ariane 5) ဒုံးပျံဖြင့် လွှတ်တင်ရန် ပြင်ဆင်လျက်ရှိနေကြပြီဖြစ်သည်။ အဆိုပါဂြိုဟ်တုကို ဇူလိုင်လ (၂၄) ရက်တွင် လွှတ်တင်ရန် လောလောဆယ် အစီအစဉ်ရေးဆွဲ ထားသည်။
ယခုဂြိုဟ်တုသည် အရှေ့လောင်ဂျီတွဒ် (၆၂)ဒီဂရီ ပတ်လမ်းတည်နေရာသို့ ရောက်ရှိသည်နှင့် တစ်ပြိုင်နက် အာဖရိက၊ ဥရောပ၊ အရှေ့အလယ်ပိုင်းနှင့် အာရှတစ်ခွင်၌ မြန်နှုန်းမြင့် ဗီဒီယို ဖြန့်ချိရေးဝန်ဆောင်မှုကို ဖြည့်ဆည်းပေးလိမ့်မည်။ ထို့ပြင်ဂြိုဟ်တုသည် ရွေ့လျားသောဆက်သွယ်မှု အသုံးပြုသည့်လေယာဉ်နှင့် သင်္ဘောတို့အပြင် အိန္ဒိယသမုဒ္ဒရာထဲမှာ လုပ်ကိုင်အသုံးပြုနေကြသော အစိုးရအဖွဲ့အစည်းများ၏ အသုံးပြုသူများအတွက်လည်း စွမ်းဆောင်ပေးနိုင်မည်ဖြစ်သည်။
Intelsat 39 ဂြိုဟ်တုသည် ယခင် မာဇာကဘဲတည်ဆောက်၍ ၂၀ဝ၁ ခုနှစ်က လွှတ်တင်ပေးခဲ့ သည့် Intelsat 902 ဂြိုဟ်တုနေရာတွင် အစားထိုးဝင်ရောက်မည်ဖြစ်သည်။ Intelsat 39 ဂြိုဟ်တု အစားထိုးဝင်ရောက်ခဲ့သည့်အချိန်သည် Intelsat 902 ဂြိုဟ်တုကိုမျှော်မှန်းထားသော ယင်း၏ ပုံစံထုတ်သက်တမ်း (၁၃) နှစ်ထက် (၆) နှစ် သို့ မဟုတ် ၄၅ % ခန့်ကျော်လွန်နေမည်ဖြစ်သည်။
Intelsat 39 ကို မာဇာ၏ ဆယ်စုနှစ်တစ်စု သက်သေပြုမည့် 1300-class အမျိုးအစား စဉ်မြင့်အပေါ် အခြေပြုတည်ဆောက်ထားပြီး ယင်းသည် စွမ်းအားမြင့်ခြင်း၊ အပြောင်းအလဲလုပ်လွယ်ခြင်း၊ စိတ်ချရ ခြင်းများကို ကမ်းလှမ်းနိုင်ပြီး မြန်နှုန်းမြင့် Program အသုံးပြုခြင်းများကို အထောက်အပံ့ပေးနိုင် မည်ဖြစ်သည်။
ဂြိုဟ်တုသည် C-band နှင့် Ku-band နှစ်မျိုးစလုံးပါဝင်ပြီး လိုအပ်သောပတ်လမ်းနေရာရောက်ရှိရန် လျှပ်စစ်နှင့် ဓာတုတွန်းကန်အားနှစ်မျိုးစလုံးအသုံးပြုနိုင်ကာ အနည်းဆုံး (၁၅)နှစ် ဝန်ဆောင်မှုပေးနိုင် သောပုံစံကို ထုတ်လုပ်ထားသည်။ ပတ်လမ်းပေါ်ရောက်သည်နှင့် တစ်ပြိုင်နက် ဂြိုဟ်တုကို ပတ်လမ်း ပေါ်နေရာမှန်ရရှိနေစေရန် ထ်ိန်းသိမ်းရာတွင် လျှပ်စစ်တွန်းကန်အားကိုသာ အသုံးပြုစေခြင်းဖြင့် ဂြိုဟ်တုလွှတ်တင်အလေးချိန်ကိုလျော့ကျစေကာ ဂြိုဟ်တု၏စွမ်းဆောင်ရည်နှင့် ပြောင်းလွယ်ပြင် လွယ်မှုကို ပိုမိုတိုးမြှင့်နိုင်ပြီး Satellite Operator များ၏ စွမ်းရည်ကို ဖြည့်စွမ်းပေးနိုင်မည်ဖြစ်သည်။
ဂြိုဟ်တုလွှတ်တင်သည့် ဗီဒီယိုကို Live ကြည့်ရှုနိုင်ရန် www.arianespace.com တွင် တင်ပေး ထားမည်ဖြစ်ပြီး မာဇာမှလည်း လွှတ်တင်မှုနှင့် ပတ်လမ်းရောက်ရှိ လည်ပတ်နိုင်မှု တိုးတက်မှုအခြေ အနေများကို အချိန်နှင့် တစ်ပြေးညီ Twitter, LinkedIn and Facebook တို့တွင် တင်ပြပေး သွားမည်ဖြစ်ကြောင်း လေ့လာတင်ပြအပ်ပါသည်။
By; ဝင်းအောင်
