ကော်ဖီသောက်ခြင်း၏ ကောင်းကျိုး နှင့် ဆိုးကျိုးများ

ကောင်းကျိုးများ
ဓာတ်တိုးဆန့်ကျင်ပစ္စည်းတွေ ပါဝင်တယ်
ကော်ဖီမှာ ဓာတ်တိုးဆန့်ကျင်ပစ္စည်းတွေ အများကြီးပါဝင်ပါတယ်။ ဓာတ်တိုးဆန့်ကျင်ပစ္စည်းဆိုတာကတော့ ခန္ဓာကိုယ်မှာရှိတဲ့ ဆဲလ်တွေ ထိခိုက်ပျက်စီးစေပြီး အိုမင်းရင့်ရော်မှုကိုဖြစ်စေတဲ့ ဓာတ်တိုးခြင်းဖြစ်စဉ်ကို နှေးကွေးစေတဲ့ ဓာတ်ပစ္စည်းတွေဖြစ်ပါတယ်။ ဒါ့ကြောင့် ကော်ဖီသောက်ခြင်းက အိုမင်းရင့်ရော်ခြင်းကို နှေးကွေးစေနိုင်ပါတယ်။

ပါကင်ဆန်ရောဂါ ကာကွယ်နိုင်တယ်
ကော်ဖီကို အတန်အသင့် ပုံမှန်သောက်သုံးသွားမယ်ဆိုရင် ဦးနှောက်ထိခိုက်ပြီး စိတ်မမူမှန်ဖြစ်စေတဲ့ ပါကင်ဆန်ရောဂါဖြစ်နိုင်ချေကို လျှော့ချပေးနိုင်ပါတယ်။

ဆီးချိုရောဂါကို ကာကွယ်ပေးတယ်
ကော်ဖီသောက်သုံးခြင်းက ဆီးချိုရောဂါအမျိုးအစား(၂) ကို ကာကွယ်နိုင်ပါတယ်။ ဘယ်လိုကော်ဖီပဲဖြစ်ဖြစ် အတန်အသင့်သောက်သုံးခြင်းက လူငယ်တွေနဲ့ သက်လတ်ပိုင်းအလွယ် အမျိုးသမီးတွေမှာ ဆီးချိုရောဂါဖြစ်နိုင်ချေကို လျှော့ချပေးနိုင်ပါတယ်။

အသည်းမခြောက်အောင် ကာကွယ်ပေးတယ်
ကော်ဖီသောက်သုံးခြင်းက အသည်းခြောက်ခြင်းကိုလည်း ကာကွယ်ပေးနိုင်ပါတယ်။ အထူးသဖြင့် အရက်ကြောင့် အသည်းခြောက်ခြင်းကို ဟန့်တားပေးနိုင်ပါတယ်။

သည်းခြေနှင့် ဆီးကျောက်တည်ခြင်းကိုလည်း ကာကွယ်နိုင်တယ်
ကော်ဖီသောက်ခြင်းဟာ သည်းခြေနဲ့ ဆီးလမ်းကြောင်းကျောက်တည်ခြင်းတွေ ဖြစ်နိုင်ချေကို လျှော့ချပေးနိုင်ပါတယ်။ ကော်ဖီဟာ ဆီးသွားတဲ့ပမာဏကို များလာစေတာကြောင့် ဆီးကျောက်တည်နိုင်ချေ နည်းသွားတာ ဖြစ်ပါတယ်။

အာရုံကို နိုးကြားထက်မြက်စေတယ်
ကော်ဖီဟာ စိတ်အာရုံကို လန်းဆန်းတက်ကြွစေတာ အားလုံးသိပြီးသား ဖြစ်မှာပါ။ ဒါ့အပြင် ကော်ဖီဟာ သတိရှိနေစေခြင်း၊ အာရုံစိုက်နိုင်ခြင်းနဲ့ နိုးကြားစေခြင်းတို့ကိုလည်း ဖြစ်စေနိုင်ပါတယ်။ အချက်အလက်တွေကို တွက်ချက်နိုင်ဖို့လည်း ကူညီပေးနိုင်ပါတယ်။

အယ်ဇိုင်းမား မဖြစ်အောင် ကာကွယ်နိုင်တယ်
ကော်ဖီပုံမှန်သောက်သုံးခြင်းဟာ ဦးနှောက်အတွင်း ပျက်စီးမှုကို လျှော့ချပေးနိုင်တာကြောင့် အယ်ဇိုင်းမားရောဂါကို ဟန့်တားကာကွယ်ထားနိုင်ပါတယ်။

ပန်းနာရင်ကြပ်ကို သက်သာစေတယ်
ကဖိန်းဓာတ်ဟာ အသက်ရှုလမ်းကြောင်းကို ပွင့်စေနိုင်တဲ့အတွက် ပန်းနာရင်ကြပ်လက္ခဏာတွေကို သက်သာစေနိုင်တာဖြစ်ပါတယ်။

ဆိုးကျိုးများ
နှလုံးရောဂါ ဖြစ်စေနိုင်တယ်
ကော်ဖီကို အလွန်အကျွံသောက်သုံးမယ်ဆိုရင် နှလုံးသွေးကြောဆိုင်ရာ ရောဂါတွေ ဖြစ်လာစေနိုင်ပါတယ်။ ပုံမှန်ပဲ သောက်သုံးမယ်ဆိုရင်တော့ ကော်ဖီမှာပါဝင်တဲ့ ဓာတ်တိုးဆန့်ကျင်ပစ္စည်းတွေကြောင့် နှလုံးရောဂါဖြစ်နိုင်ချေကို နည်းပါးစေပါတယ်။

ကိုလက်စထရောဓာတ် များစေတယ်
ကော်ဖီကို အလွန်အကျွံသောက်သုံးခြင်းဟာ ခန္ဓာကိုယ်အတွက် မကောင်းတဲ့ LDL Cholesterol ပမာဏကို များလာစေပါတယ်။ အထူးသဖြင့် ကော်ဖီမှုန့်ကို မစစ်ထုတ်ပဲနဲ့ ကျိုသောက်မယ်ဆိုရင် ကိုလက်စထရောပမာဏကို ပိုများလာစေပါတယ်။

နှလုံးခုန်နှုန်း မူမမှန်ဖြစ်စေတယ်
တချို့သူတွေအနေနဲ့ ကော်ဖီသောက်ပြီးရင် နှလုံးခုန်နှုန်း ပိုမြန်လာတာ၊ ပုံမှန်မဟုတ်တာတွေဖြစ်တတ်ပါတယ်။ အရပ်အခေါ်အရ ရင်တုန်တယ်လို့ ခေါ်ကြပါတယ်။

သွေးတိုးစေတယ်
ကော်ဖီသောက်သုံးခြင်းဟာ သွေးတိုးခြင်းရဲ့ အဓိကအကြောင်းရင်းတော့မဟုတ်ပါဘူး။ ဒါပေမယ့် သွေးဖိအားကို မြင့်တက်စေတဲ့ သက်ရောက်မှုကိုတော့ ဖြစ်စေပါတယ်။ သွေးတိုးရောဂါရှိသူတွေမှာ ပိုပြီးသိသာပါတယ်။

အရိုးပွခြင်းဖြစ်နိုင်ချေ များစေတယ်
ကော်ဖီသောက်သုံးခြင်းဟာ ဆီးပိုသွားစေတာကြောင့် ကယ်ဆီယမ်ဓာတ်တွေ ပိုမိုဆုံးရှုံးရပါတယ်။ တစ်နေ့ကို ကော်ဖီ(၄)ခွက်နဲ့အထက် သောက်သုံးမယ်ဆိုရင် အရိုးပွရောဂါဖြစ်နိုင်ချေ ပိုများလာတတ်ပါတယ်။ အထူးသဖြင့် ကယ်စီယမ်ဓာတ်နည်းပါးတဲ့ အမျိုးသမီးတွေမှာ ပိုဖြစ်တတ်ပါတယ်။

အိပ်စက်မှုကို ထိခိုက်စေတယ်
ကော်ဖီမှာ ပါဝင်တဲ့ ကဖိန်းဓာတ်ရဲ့ တက်ကြွနိုးကြားစေတဲ့ အာနိသင်ကြောင့် များများသောက်သုံးမယ်ဆိုရင် အိပ်စက်ခြင်းကို အနှောက်အယှက်ဖြစ်စေနိုင်ပါတယ်။ အနားမရတာ၊ အိပ်မပျော်တာ၊ မျက်လုံးကြောင်နေတာ၊ ခဏခဏနိုးလာတာ စသဖြင့် အိပ်စက်မှုအရည်အသွေးကို ကျဆင်းစေနိုင်ပါတယ်။

ရေဓာတ်ခမ်းခြောက်ခြင်း ဖြစ်စေတယ်
ကဖိန်းဓာတ်ဟာ ဆီးများများသွားဖို့ လှုံ့ဆော်ပေးနိုင်ပါတယ်။ ဒါ့ကြောင့် ကော်ဖီအသောက်များတဲ့အခါမှာ ခန္ဓာကိုယ်က ရေဓာတ်နည်းပါးလာတတ်ပါတယ်။ ဒီလိုမဖြစ်အောင် ရေများများသောက်ပေးခြင်းဖြင့် ကုစားနိုင်ပါတယ်။

စွဲလန်းစေတယ်
ကဖိန်းဟာ အာရုံကြောတွေကို နှိုးဆွပေးနိုင်တဲ့ မူးယစ်ဆေးတစ်မျိုးဖြစ်တဲ့အတွက် စွဲလမ်းစေပါတယ်။ ကော်ဖီသောက်နေကျလူတစ်ယောက်က ကဖိန်းဓာတ်မရတဲ့အခါမှာ ခေါင်းကိုက်တာ၊ စိတ်မကြည်တာတွေ ဖြစ်တတ်ပါတယ်။ ဒါပေမယ့် ကော်ဖီက ဖြတ်ရလွယ်သလို လူအများစုကလည်း ကော်ဖီစွဲတဲ့အထိ မသောက်ကြပါဘူး။

တန်ဆေးလွန်ဘေးဆိုတဲ့ ရှေးစကားအတိုင်းပါပဲ။ ကော်ဖီမှာလည်း ဆိုးကျိုးတွေရှိနေပေမယ့် အလွန်အကျွံမသောက်သုံးဘူးဆိုရင် ကောင်းကျိုးတွေကို ရရှိနိုင်ပါတယ်။ ဒါ့ကြောင့် တစ်နေ့ကို အများဆုံး (၄)ခွက်ထက် ပိုမသောက်ဆိုရင် ကော်ဖီက ပေးနိုင်တဲ့ အကျိုးကျေးဇူးတွေကို ရရှိနိုင်ပါတယ်။